Plantun de Prouvènço

Pèr coumpara dos planto d'encò nostre

Polypodium vulgare & Luzula sylvatica

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Jounc-pelu(-de-fourèst)

Luzula sylvatica

Juncaceae

Noms en français : Luzule des bois, Grande Luzule.

Descripcioun :
Aquéu jounc-pelu trachis, au nostre, dins li bos fres (faio, blachiero...) de colo e basso mountagno ounte fai de mato. Èi lou soulet qu'agué de fueio, en rouseto, tant larjo (4 à 14 mm). Fai uno grando enflourejado e de noumbrous gloumerule de dos à cinq flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Luzula
Famiho : Juncaceae

Ordre : Poales

Coulour de la flour : Negro
Petalo : 6
Ø (o loungour) flour : 5 à 6 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Faio - Blachiero - Bos fres
Estànci : Subremediterran à Mountagnard
Couroulougi : Ouroufito-Ouèst-Éuropenco
Ref. sc. : Luzula sylvatica (Tausch) K.Richt., 1890

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Luzula sylvatica

ges

RRR

Coumpara Regalisso-bastardo emé uno autro planto

Coumpara Jounc-pelu(-de-fourèst) emé uno autro planto